Памяць будзе жыць

Дзякуючы актыўнай добраахвотніцкай пошукавай дзейнасці юнага чытача бібліятэкі Быцко Максіма былі знойдзены звесткі аб загінуўшым у гады Вялікай Айчыннай вайны  воіне-земляку Бута Барысе Васільевічу. Звесткі былі перададзены 85-гадовай дачцэ Серай Соф'і Барысаўне і ўнукам загінуўшага. Адзін з унукаў, сын старэйшай дачкі Валянціны Барыс Сцяпанавіч Рыла, які пражывае ў расійскім горадзе Паўднёвасахалінск, з дапамогай сваіх пляменнікаў наведаў месца пахавання свайго загінуўшага дзеда ў пасёлку Коранева Баграціёнаўскага раёна Калінінградскай вобласці Расіі. У знак падзякі ён даслаў нам відэазапіс з месца пахавання свайго геройскі загінуўшага дзеда і нашага земляка. Няхай памяць аб загінуўшых працягвае жыць у сэрцах родных і землякоў!