Цяжкі шлях да вызвалення

Да 77-ай гадавіны вызвалення Слоніма ад нямецка-фашысцкіх запхопнікаў была прымеркавана інфармацыйная гадзіна “Цяжкі шлях да вызвалення”. Бібліятэкар Серая З.П. расказала юным чытачам аб тым, якім цяжкім і доўгім быў шлях да вызвалення роднай Слонімшчыны ад нямецка-фашысцкіх захопнікаў: аб першых днях вайны, крывавым рэжыме тэрору пад час акупацыі, партызанскім руху, аперацыі па вызваленню Слоніма 9 – 10 ліпеня 1944 года, салюце ў Маскве ў гонар вызвалення Слоніма і Лунінца.

Таксама расказала аб подзвігу Героя Савецкага Саюза маёра Кузьмы Гнідаша і радысткі старшага сержанта Клары Давыдзюк, магіла якіх знаходзіцца ў цэнтры горада Слоніма ля Вечнага агню.

Бібліятэкар нагадала прысутным, што танк-помнік на вуліцы Першамайскай быў устаноўлены ў 1969 годзе да 25-годдзя вызвалення Слоніма.

Зоя Пятроўна павіншавала прысутных са святам і параіла пачытаць кнігу Васіля Афанасіка “Горыч 41-га”.