6 ліпеня ў філіяле “Партызанаўская сельская бібліятэка” прайшла літаратурная гасцёўня “Нам у спадчыну ад роду засталіся песні”, прысвечаная 140-годдзю з дня нараджэння славутага беларускага песняра – Янкі Купалы. Бібліятэкар нагадала чытачам асноўныя моманты з біяграфіі паэта, зрабіла агляд выставы кніг Янкі Купалы “Мне сняцца сны аб беларусі”.

Затым прапанавала прэзентацыю “Асноўныя этапы жыцця і творчасці Янкі Купалы”, пасля чаго чытачы зачыталі ўслых вершы паэта.

У канцы сустрэчы бібліятэкар падкрэсліла, што Янка Купала – паэт, драматург, палымяны публіцыст пакінуў нам багатую спадчыну. Яго творы жывуць і будуць жыць праз стагоддзі. Час не мае над ім ўлады. Праходзяць гады і, чым далей яны аддаляюць нас ад песняра, тым даражэй і велічней становіцца яго вобраз. Ён будзе жыць у памяці народа. Яго цудоўныя песні будуць пераходзіць з пакалення ў пакаленне.