30 студзеня ў бібліятэцы для юных чытачоў прайшла пазнавальна-забаўляльная праграма “Проказы Матушки-Зимы». Бібліятэкар падрыхтавала кніжную выставу па тэме і прапанавала паўдзельнічаць у літаратурных конкурсах, прысвечаных зіме.

Рабяты з задавальненнем адгадвалі загадкі Снежнай каралевы; успомнілі прыказкі, прымаўкі і народныя прыкметы пра зіму; адгадвалі назвы казак пра зіму і Новы год па прачытаных урыўках іх зместу; узгадвалі правільныя назвы казак па прад’яўленых назвах са змененымі словамі; адгадвалі загадкі пра зімовыя забавы дзяцей, выразна чыталі ўрыўкі вершаў рускіх і беларускіх паэтаў пра зіму.

Вясёлая атмасфера, смех і радасць напоўнілі чытальную залу бібліятэкі.