8 лютага спаўняецца 100 гадоў з дня нараджэння таленавітага беларускага пісьменніка, лаўрэата шматлікіх літаратурных і дзяржаўных прэмій Івана Паўлавіча Мележа. Лепшыя творы пісьменніка сталі класікай беларускай літаратуры яшчэ пры яго жыцці.

Талент Мележа з асобай сілай раскрыўся  ў трылогіі "Палеская хроніка", прысвечанай жыццю сялян у пераломны перыяд гісторыі. Трылогія складаецца з раманаў "Людзіна балоце", "Подых навальніцы", "Завеі, снежань". Яго талент праявіўся ў створаных ім непаўторных чалавечых характарах, у цудоўных і багатых малюнках прыроды, у шырокіх карцінах народнага жыцця і асаблівага быту, у раскрыцці глыбінных духоўных і гістарычных грамадска- сацыяльных канфліктаў.

І.П.Мележ змог сваёй творчасцю не проста крануць, а нават ускалыхнуць душы чытачоў. Кнігі Івана Мележа сталі энцыклапедыяй народнага жыцця, крыніцай выхавання патрыятызму і любві да роднай мовы, гісторыі і культуры нашай Айчыны.