30 студзеня мы адзначаем 100-гадовы юбілей народнага пісьменніка Беларусі, класіка нацыянальнай літаратуры, лаўрэата Дзяржаўных прэмій СССР і Рэспублікі Беларусь Івана Пятровіча Шамякіна.

Творчасць пісьменніка атрымала ўсенароднае прызнанне і любоў як у Беларусі, так і за яе межамі.

"Кожны раман ці аповесць Івана Шамякіна - гэта новае, свежае слова аб нашай рэчаіснасці, аб нашых праблемах, аб нашых людзях, гэта раскрыццё маральных глыбінь чалавечых душ, гэта і яго споведзь аб сваіх ідэалах, сваіх надзеях, сваіх радасцях і сваіх болях". (Андрэй Макаёнак).

Чытайце творы Шамякіна, перачытвайце старонку за старонкай і пазнавайце ўсё больш і больш пра беларускі народ і яго гісторыю.